Les mots surlignés font l'objet d'une note
1Reçue à Valence, le 29 mars 1573.
2Monsieur de Gordes, voyant la longueur qui ce faict à lexecution des commissions
3que jay cydevant envoiiées à messieurs les premier president Truchon et Grolier general
4de mes finances en Daulphiné, tant pour constitution de rente, que vente de mon domaine,
5touttes deux touchans au but destre secouru de XXXVI m[ille] Lz, destinez pour mes plus
6grands et importans affaires. Jay advisé vous faire ce mot pour vous prier de
7donner ordre en ce que vous verrez estre plus à propos pour effectuer lexecution desdites
8commissions en lune ou en lautre sorte, ainsi que vous les ledits commissaires adviserez
9pour le myeulx, y usant, pour eviter longueur, de toutes les contrainctes necessaires
10que verrez pour le mieulx, comme très bien le scavez faire ; de quoy vous me donnerez
11advis et du temps que lesdits deniers seront prestz et fourniz es mains du tresorier
12de lextraordinaire de noe guerres qui est delà pour cest effect. Et sur ce, monsieur de
13Gordes, je prie Dieu vous donner sa grace. A Fontainebleau, ce XIXe jour de
14Mar[s] 1573
15Charles
16de Neufville